Kama Bado Hujajiunga Nami, Unaweza Kujiunga Kwa Kubonyeza Like Hapa Chini Nikutumie Habari Moja Kwa Moja
JE WAJUA? kuwa mtu wa makamo anakuwa ametumia tani 100 za vyakula mbalimbali na lita 43,424 au galoni 12,000 za vimiminika toka kuzaliwa kwake?
Miaka 2049 iliyopita kwa mujibu wa baadhi ya nadharia za wanahistoria, yaani tarehe 19 Aprili mwaka 33 kabla ya kuzaliwa Nabii Issa (as), kulianzishwa mjini Roma maktaba ya kijamii 'Public Library' kwa ajili ya ulimwengu mzima ambayo kila mwenye elimu alikuwa na haki ya kuingia humo na kusoma vitabu alivyotaka. Kabla ya Waroma, Wasumeri, Waashuri, Wababeli na Wairani walikuwa na maktaba zao ingawa maktaba hizo hazikuwa zikitumika na watu wote, huku maktaba ya Waashuri ikiwa ndio maarufu zaidi.
Siku kama ya leo miaka 209 iliyopita, sawa na tarehe 19 Aprili 1807, majeshi ya Uingereza yalilazimika kuondoka katika mji wa bandari ya Alexandria nchini Misri, baada ya kushindwa kukabiliana na jeshi la Misri. Ikiwa ni katika njama za kutanua wigo wake wa utawala wa kikoloni, Uingereza ilichukua uamuzi wa kuishambulia na kuiteka Misri ambayo ilikuwa sehemu ya ardhi ya utawala wa Othmaniya. Baada ya kuanza mashambulizi hayo na mji wa Alexandria kutekwa na Uingereza, maulamaa na wanazuoni wa nchi hiyo walitoa fatwa ya kuanzishwa vita vitakatifu dhidi ya wavamizi, kwa shabaha ya kuikomboa Misri kutoka kwa wavamizi wa Kiingereza.
Siku kama ya leo miaka 11 iliyopita, Kadinali Joseph Ratzinger alikabidhiwa uongozi wa Kanisa Katoliki Duniani baada ya kufariki dunia Papa John Paul wa Pili na kuchagua jina la Papa Benedict wa 16. Ratzinger alizaliwa mwaka 1927 nchini Ujerumani na alipanda daraja na kuwa askofu mwaka 1977 na hatimaye kufikia daraja ya ukadinali. Papa Benedict wa 16 alikabiliwa na matatizo mbalimbali akiwa kiongozi wa kanisa hilo ikiwa ni pamoja na mgogoro wa masuala ya kiroho katika nchi za Magharibi, ufisadi na utovu wa maadili pamoja na vitendo vya ubakaji vinavyofanywa na maaskofu na makasisi dhidi ya watoto wadogo. Papa Benedict wa 16 alilazimika kuachia uongozi wa Kanisa Katoliki Februari mwaka 2013 baada ya kuzongwa na kashfa nyingi za viongozi wa ngazi za juu ndani ya kanisa hilo.
Na siku kama ya leo miaka 23 iliyopita, polisi ya Marekani FBI ilishambulia makao ya wafuasi wa kundi la David na kuua watu 80 miongoni mwao. Wafuasi wa kundi hilo ambao wanapinga vikali siasa za serikali ya Marekani walishambuliwa na kuuawa na askari wa FBI baada ya kuzingirwa katika makao yao kwa siku kadhaa. Mauaji ya wapinzani wa serikali katika nchi kama Marekani inayodai kutetea uhuru wa kusema na kuabudu na haki za binadamu yaliwashangaza watu wengi duniani na kuifedhehesha serikali ya Washington.
KUPATA HABARI NA MATUKIO YA KILA SIKU, BONYEZA Like HAPA CHINI
Asante! TOA MAONI YAKO HAPA CHINI
0 comments:
Post a Comment