MESSI AMPONZA DOGO WA AFGHANISTAN

Kama Bado Hujajiunga Nami, Unaweza Kujiunga Kwa Kubonyeza Like Hapa Chini Nikutumie Habari Moja Kwa Moja

Unamkumbuka yule mtoto wa miaka mitano wa Kiafghanistani Murtaza Ahmadi aliyepata umaarufu mkubwa duniani baada ya picha zake kusambaa mitandaoni zikimuonesha akiwa amevaa mfuko wa rambo (plastiki) uliotengenezwa na kufanana na Jezi za timu ya taifa ya Argentina huku  ukiwa na jina la Lionel Messi?

Walimwengu hawana maana!
Sasa taarifa ziko hivi Murtaza Ahmadi ametoroka huko nyumbani kwao katika jimbo la Ghazni, Afghanistani akiambatana na wazazi wake na kwenda kuishi Quetta,Pakistani baada ya kuanza kupokea vitisho vya kuuawa.

Baba mzazi wa Murtaza aitwaye, Arif, ameliambia The Daily Telegraph kuwa tangu Murtaza awe maarufu duniani yeye na familia yake wamekuwa wakipokea vitisho vingi toka kwa makundi mbalimbali ya kigaidi, waharifu na wababe wa kivita wa Afghanistani.

“Nina hofu Murtaza anaweza akatekwa na hata kuuawa. Tumeamua kukimbilia Pakistani kwa ajili ya usalama wake na wetu kwani tumekuwa tukipokea vitisho vya kila namna”, alimaliza Arif.

Miezi minne iliyopita jina la Murtaza Ahmadi liligonga vichwa vya habari vya mitandao mbalimbali dunia na hata kumfikia Lionel Messi mwenyewe.

Katika kuonesha kuwa na yeye ameguswa na upendo wa Murtaza juu yake Messi alimtumia mtoto huyo jezi yake  halisi huku akiweka ahadi ya kukutana nae siku moja.

KUPATA HABARI NA MATUKIO YA KILA SIKU, BONYEZA Like HAPA CHINI

Asante! TOA MAONI YAKO HAPA CHINI

facebook

twitter

Tweet

google+

linkedin