Magaidi vibaraka wa Saudia washambulia Yemen

Kama Bado Hujajiunga Nami, Unaweza Kujiunga Kwa Kubonyeza Like Hapa Chini Nikutumie Habari Moja Kwa Moja

Raia kadhaa wameripotiwa kupoteza maisha yao katika shambulio la kigaidi lililofanywa na magaidi wa Kiwahabi wanaoungwa mkono na Saudia, huko kusini mwa Yemen.

Shambulio hilo limetokea katika mji wa Sa'ad, mkoa wa Aden kusini mwa Yemen na kusababisha raia kadhaa wasio na hatia kuuawa na wengine kujeruhiwa. Hayo yanajiri katika hali ambayo ndege za kijeshi za utawala wa Aal Saud zimeendeleza hujuma za kinyama katika maeneo tofauti ya Yemen ambapo hapo jana Jumatano, zilishambulia kambi ya kijeshi ya anga katika mkoa wa Taiz, kusini mwa nchi hiyo. Kwa mujibu wa mashuhuda, katika shambulio hilo ndege hizo za Saudia ziliwalenga kwa bahati mbaya mamluki wake eneo la tukio. Katika hatua nyingine jeshi la Yemen kwa kushirikiana na harakati ya wananchi ya Answarullah limeshambulia mkusanyiko wa kundi la vibaraka wa Saudia katika mkoa wa Al-Ghail, katika mkoa wa al-Jawf, kaskazini mwa Yemen. Kwa mujibu wa kanali ya al-Masira ya Yemen, katika shambulio hilo, makumi ya vibaraka hao wa Saudia wameangamizwa na wengine kadhaa kujeruhiwa. Aidha Answarullah wamewatia mbaroni viongozi wawili wa kundi la kigaidi na kitakfiri la Al-Qaidah katika mkoa wa Taiz, kusini magharibi mwa Yemen.

KUPATA HABARI NA MATUKIO YA KILA SIKU, BONYEZA Like HAPA CHINI

Asante! TOA MAONI YAKO HAPA CHINI

facebook

twitter

Tweet

google+

linkedin