NORTH LONDON DERBY: INA VIBWEKA VYA AINA YAKE, NI KUBWA KULIKO ZOTE LONDON

Kama Bado Hujajiunga Nami, Unaweza Kujiunga Kwa Kubonyeza Like Hapa Chini Nikutumie Habari Moja Kwa Moja

MECHI nane za Ligi Kuu England zinapigwa leo kwenye viwanja na miji mbalimbali ya nchini England lakini gumzo linaendelea kubaki katika mechi ya watani ya North London Derby.

 London Derby ni mechi inayowakutanisha Arsenal dhidi ya Tottenham Hotspurs, mechi ambayo safari hii inachezwa leo, Spurs wakiwa nyumbani White Hart Lane.

Jiji la London lina zaidi ya mechi tano za derby, zile za West London Derby inayoweza kuzikutanisha kati ya Chelsea na QPR au Chelsea na Fulham. Pia kuna South London Derby wanapokutana Crystal Palace dhidi ya Charlton Athletic.

Lakini bado derby ya Kaskazini imeendelea kuwa kubwa na maarufu zaidi na safari hii utamu unaongezeka kwa kuwa Spurs inaonekana kuwa katika kiwango bora zaidi ya Arsenal.

Raha zaidi ya hiyo, timu zote mbili zimecheza mechi zao za mwisho na kupoteza michezo yao. Hivyo kila moja imetawaliwa na uchungu wa kufungwa huku ikiwa na hamu ya kutwaa ubingwa.

Arsenal inaingia kwenye mechi ngumu ya derby baada ya kuwa imepoteza mechi mbili mfululizo. Kwanza ilifungwa kwa mabao 3-2 ikiwa ugenini dhidi ya Manchester United, mwisho ikapoteza tena kwa kuchapwa 2-1 na Swansea nyumbani.

Spurs wana rekodi nzuri zaidi, ingawa nao walitandikwa bao 1-0 wakiwa ugenini dhidi ya West Ham United katika mechi ambayo ilionyesha kuwashangaza.

Utamu wa mechi hiyo, kwa rekodi, Spurs inapewa nafasi kubwa ya kushinda kwa kuwa kama utaangalia mechi zake nane zilizopita, imeshinda sita na kupoteza mbili dhidi ya West Ham na Leicester City.

Katika msimamo wa Ligi Kuu England, Spurs ina matumaini makubwa ya kutwaa ubingwa ikiwa katika nafasi ya pili na pointi 54, Leicester wanaongoza wakiwa na pointi 57.

 Matumaini hayajafika mwisho kwa Arsenal hata kama kocha wao, Arsene Wenger, anaonekana kukata tamaa baada ya kupoteza pointi sita katika mechi mbili mfululizo.

 Rekodi ya mechi nane zilizopita pia imekuwa ya mabonde mengi. Kwani imeshinda mechi mbili, sare tatu na kupoteza mechi tatu. Swali linakuja hapo, kwamba kweli itauweza mziki wa Spurs chini ya Kocha Mauricio Pochettino?

Kikubwa ambacho kila mpenda soka anaweza kujifunza ni kwamba mpira wa England kila mechi sasa ni ngumu na hakuna kinachoamuliwa tena kwa rekodi za nyuma. Timu nyingi zilifanya vema hata kushinda mechi sita au saba, lakini zikafungwa na timu ambayo haikuwa imeshinda hata mechi moja.

 Kwa kifupi mechi ya leo, itakuwa haina mwenyewe na unajua inapokuwa mechi ya watani au yenye upinzani mkubwa, ni suala la anayekosea, basi mwenzake anamuadhibu.

Lakini kwa hesabu za umakini, unaweza kuwapa nafasi Arsenal ambao wachezaji hawatakuwa tayari kuwa na “hat trick” ya vipigo. Ingawa ugumu utaongezeka kwa kuwa Spurs pia hawatataka kupoteza mchezo wa pili.

 Mechi ni ngumu, lakini Spurs inaendelea kulindwa na rekodi nzuri ya timu iliyoshinda zaidi ndani ya mechi nane zilizopita, wakati Arsenal ndiyo timu kati ya nne za juu kileleni iliyofanya vibaya zaidi katika mechi zake tano zilizopita.

Kama mbinu za makocha zitafeli, bado kila upande una wachezaji wenye uwezo binafsi. Angalia Harry Kane, Dele Alli, Nacer Chadli na wengine kwa upande wa Spurs au Arsenal na watu kama Mesut Ozil, Olivier Giroud, Joel Campbell, Theo Walcott na wengine, wakiamka vizuri, inaweza kuwa si kazi ndogo.

MECHI NANE ZA MWISHO

TOTTENHAM:

West Ham 1-0 Spurs

Spurs         2-1 Swansea

Man City   1-2 Spurs

Spurs         1-0 Watford

Norwich 0-3 Spurs

C Palace 1-3 Spurs

Spurs         4-1 Sunderland

Spurs         0-1 Leicester

ARSENAL:

Arsenal 1-2 Swansea City

Man Utd 3-2 Arsenal

Arsenal 2-1 Leicester

Bournemouth 0-2 Arsenal

Arsenal 0-0 Southampton

Arsenal 0-1 Chelsea

Stoke 0-0 Arsenal

Liverpool 3-3 Arsenal

IMEKUSANYA POINTI

Spurs: Katika mechi zake nane, Spurs imeshinda sita na kupoteza mbili, hivyo kukusanya pointi 18.

Arsenal: Hakika kikosi cha Arsenal hakina mwendo mzuri, katika mechi nane kimeshinda mechi mbili, sare tatu na kupoteza mechi tatu, hivyo kukusanya pointi tisa tu!

MECHI 10 ZA MWISHO ARSENAL VS SPURS TOKEA 2011:

8 Nov 15        Arsenal - Tottenham 1-1

7 Feb 15         Tottenham - Arsenal 2-1

27 Sep 14      Arsenal - Tottenham 1-1

16 Mac 14      Tottenham - Arsenal 0-1

1 Sep 13         Arsenal - Tottenham 1-0

3 Mac 13        Tottenham - Arsenal 2-1

17 Nov 12      Arsenal - Tottenham 5-2

26 Feb 12      Arsenal - Tottenham 5-2

2 Okt 11         Tottenham - Arsenal 2-1

20 Apr 11      Tottenham - Arsenal 3-3

MSIMAMO WA NYUMBANI:

                                          P             Pointi

1          Leicester                14                29

2          Man City                 14                28

3          Tottenham              14                28

4          Man United              14               28

5          Arsenal                    14               27

6          West Ham                14               26

7          Southampton            14               23

8          Stoke City                14                23

9          Chelsea                   14                20

10       Liverpool                  13                20

MSIMAMO WA UGENINI:

                                         P        Pointi

1          Leicester               14          28

2          Tottenham            14           26

3          Arsenal                  14          24

4          Everton                 13          22

5          Liverpool               14          21

6          West Ham              14          20

7          Man Utd                 14         19

8          Chelsea                 14          19

9          Man City                13          19

10       Crystal Pal              14           19

SOURCE: CHAMPIONI

KUPATA HABARI NA MATUKIO YA KILA SIKU, BONYEZA Like HAPA CHINI

Asante! TOA MAONI YAKO HAPA CHINI

facebook

twitter

Tweet

google+

linkedin